ಪಾಠ ಆಧಾರಿತ ಮೌಲ್ಯಾಂಕನ (LBA) - ಪದೇ ಪದೇ ಕೇಳಲಾಗುವ ಪ್ರಶ್ನೆಗಳು (FAQs)

ಪಾಠ ಆಧಾರಿತ ಮೌಲ್ಯಮಾಪನ (LBA) ಕುರಿತು ಶಿಕ್ಷಕರು, ಪೋಷಕರು ಮತ್ತು ವಿದ್ಯಾರ್ಥಿಗಳಿಗೆ ಇರುವ ಕೆಲವು ಸಾಮಾನ್ಯ ಪ್ರಶ್ನೆಗಳಿಗೆ ಉತ್ತರಗಳನ್ನು ಇಲ್ಲಿ ನೀಡಲಾಗಿದೆ. LBA ಕುರಿತು ನಿಮ್ಮ ಎಲ್ಲಾ ಗೊಂದಲಗಳನ್ನು ನಿವಾರಿಸಲು ಮತ್ತು ಹೆಚ್ಚಿನ ಸ್ಪಷ್ಟತೆಯನ್ನು ನೀಡಲು ಈ FAQ ವಿಭಾಗವು ಸಹಾಯಕವಾಗಲಿದೆ ಎಂದು ನಾವು ಭಾವಿಸುತ್ತೇವೆ.

ನಿಮ್ಮ ಪ್ರಶ್ನೆಗಳಿಗೆ ಉತ್ತರಗಳನ್ನು ಹುಡುಕಲು ಕೆಳಗಿನ FAQ ಗಳನ್ನು ವೀಕ್ಷಿಸಿ.

1. LBA ಪ್ರಶ್ನೆಕೋಠಿಯನ್ನು DSERT Website ನಿಂದ Download ಮಾಡುವುದು ಹೇಗೆ?

ನೀವು DSERT ವೆಬ್‌ಸೈಟ್‌ಗೆ ಭೇಟಿ ನೀಡುವ ಮೂಲಕ LBA ಪ್ರಶ್ನೆಕೋಠಿಯನ್ನು ಡೌನ್‌ಲೋಡ್ ಮಾಡಬಹುದು: https://dsert.karnataka.gov.in/. ನಿರ್ದಿಷ್ಟವಾಗಿ, https://dsert.karnataka.gov.in/info-2/Lesson+Based+Assesment+material/kn ಲಿಂಕ್‌ನಲ್ಲಿ ಮಾಹಿತಿ ಲಭ್ಯವಿದೆ.

2. ಈಗಾಗಲೇ ಮುಗಿದಿರುವ ಪಾಠಗಳಿಗೆ LBA ಅಂಕಗಳನ್ನು SATS ನಲ್ಲಿ ದಾಖಲಿಸಬೇಕೆ?

ಹೌದು, ಈಗಾಗಲೇ ಮುಗಿದಿರುವ ಪಾಠಗಳಿಗೆ LBA ಅಂಕಗಳನ್ನು SATS ನಲ್ಲಿ ದಾಖಲಿಸಬೇಕು.

3. ತೃತೀಯ ಭಾಷೆಗೆ LBA ಸಿದ್ಧಪಡಿಸಲಾಗಿದೆಯೇ?

ಹಿಂದಿ ತೃತೀಯ ಭಾಷೆಗೆ ಮಾತ್ರ ಸಿದ್ಧಪಡಿಸಲಾಗಿದೆ.

4. Bilingual ತರಗತಿಗಳಿಗೆ LBA ಅನ್ವಯಿಸುತ್ತದೆಯೇ?

ಹೌದು. 1 ರಿಂದ 3ನೇ ತರಗತಿಯವರೆಗೆ LBA ಪ್ರಶ್ನೆಕೋಠಿ ಸಿದ್ಧಪಡಿಸಲಾಗಿದೆ ಮತ್ತು 4 ರಿಂದ 7ನೇ ತರಗತಿಯವರೆಗೆ ಸಿದ್ಧಪಡಿಸುವ ಪ್ರಕ್ರಿಯೆ ನಡೆಯುತ್ತಿದೆ.

5. ಪಠಾಧಾರಿತ ಮೌಲ್ಯಾಂಕನಕ್ಕೆ ಎಲ್ಲಾ ಪ್ರಶ್ನೆಗಳನ್ನು LBA ಪ್ರಶ್ನೆಕೋಠಿಯಿಂದ ಕೇಳಬೇಕೆ?

ಹೌದು. ಕಲಿಕಾ ಪ್ರಕ್ರಿಯೆಯಿಂದ ಮೌಲ್ಯಾಂಕನ ಪ್ರಕ್ರಿಯೆಯವರೆಗೆ ನಿರಂತರವಾಗಿ ಪ್ರಶ್ನೆಕೋಠಿಯಲ್ಲಿನ ಪ್ರಶ್ನೆಗಳು ಬಳಕೆಯಾಗಬೇಕು. ಉದ್ದಿಷ್ಟವಾರು ಮತ್ತು ಪ್ರಶ್ನೆಗಳ ಕಠಿಣತೆಯ ಮಟ್ಟಕ್ಕನುಗುಣವಾಗಿ LBAಯಿಂದ ಪ್ರಶ್ನೆಗಳನ್ನು ಆಯ್ಕೆ ಮಾಡಿಕೊಂಡು ಪ್ರಶ್ನೆಪತ್ರಿಕೆಯನ್ನು ತಾವೇ ರಚಿಸಿಕೊಳ್ಳಬೇಕು.

6. FLN ಮಕ್ಕಳಿಗೆ LBA ಮಾಡುವುದು ಹೇಗೆ?

ಇತರ ಮಕ್ಕಳಿಗೆ ಮಾಡುವಂತೆಯೇ, ಎರಡನ್ನು ಹೊಂದಾಣಿಕೆ ಮಾಡಿಕೊಂಡು FLN ಮಕ್ಕಳಿಗೆ LBA ಮಾಡಬೇಕು. ಅವರು ಗಳಿಸಿದ ಅಂಕಗಳನ್ನು SATS ನಲ್ಲಿ ನಮೂದಿಸಬೇಕು.

7. ಉರ್ದು ಮಾಧ್ಯಮಕ್ಕೆ LBA ಪ್ರಶ್ನೆಕೋಠಿಯನ್ನು ಒದಗಿಸಲು ಕೋರಿದೆ.

ರಚನೆ ಮತ್ತು ಭಾಷಾಂತರ ಪ್ರಕ್ರಿಯೆ ನಡೆಯುತ್ತಿದ್ದು, ಆದಷ್ಟು ಬೇಗ ಲಭ್ಯಗೊಳಿಸಲಾಗುವುದು.

8. ಪ್ರತಿ ಪಾಠಕ್ಕೂ ಬ್ಲೂಪ್ರಿಂಟ್ ಪ್ರಕಾರ ಪ್ರಶ್ನೆ ಪತ್ರಿಕೆ ತಯಾರು ಮಾಡಬೇಕಾ?

ಎಲ್ಲಾ ರೀತಿಯ ಪ್ರಶ್ನೆಗಳನ್ನೊಳಗೊಂಡಂತೆ ಪ್ರಶ್ನೆಪತ್ರಿಕೆ ರಚಿಸಬೇಕು.

• 1 ರಿಂದ 5ನೇ ತರಗತಿಯವರೆಗೆ: 10 ಲಿಖಿತ ಮತ್ತು 5 ಮೌಖಿಕ ಪ್ರಶ್ನೆಗಳು.
• 6 ರಿಂದ 10ನೇ ತರಗತಿಯವರೆಗೆ: 20 ಲಿಖಿತ ಪ್ರಶ್ನೆಗಳು.
• ಮರು ಸಿಂಚನ ಕಾರ್ಯಕ್ರಮ ಅನ್ವಯಿಸುವ ಜಿಲ್ಲೆಗಳು: LBA ಯಿಂದ 15 ಅಂಕಗಳ ಪ್ರಶ್ನೆಗಳು ಮತ್ತು ಮರುಸಿಂಚನದಿಂದ 5 ಅಂಕಗಳ ಪ್ರಶ್ನೆಗಳು, ಒಟ್ಟು 20 ಅಂಕಗಳಿಗೆ ಪ್ರಶ್ನೆಪತ್ರಿಕೆ ಸಿದ್ಧಪಡಿಸುವುದು.
• ಈ ಕಾರ್ಯಕ್ರಮ ಅನ್ವಯಿಸದ ಜಿಲ್ಲೆಗಳು: 20 ಅಂಕಗಳಿಗೆ ಪ್ರಶ್ನೆಗಳನ್ನು LBA ಯಿಂದ ಪರಿಗಣಿಸುವುದು.

9. ರೂಪಣಾತ್ಮಕ ಮೌಲ್ಯಾಂಕನ (FA) ಮತ್ತು ಸಂಕಲನಾತ್ಮಕ ಮೌಲ್ಯಾಂಕನಗಳನ್ನು (SA) ಮಾಡುವ ಅವಶ್ಯಕತೆ ಇದೆಯೇ?

ಹೌದು, FA & SA ಗಳನ್ನು ಮಾಡುವುದರಲ್ಲಿ ಯಾವುದೇ ವ್ಯತ್ಯಾಸವಿಲ್ಲ. ಹಿಂದಿನ ವರ್ಷಗಳಲ್ಲಿದ್ದಂತೆ ಮಾಡುವುದು ಹಾಗೂ ಇಲಾಖೆಯಿಂದ ನೀಡಿರುವ ಮೌಲ್ಯಾಂಕನ ಸುತ್ತೋಲೆಯಂತೆ ಕ್ರಮವಹಿಸುವುದು. (ಸುತ್ತೋಲೆ ಸಂಖ್ಯೆ: E-29933/DSERT/EVG/1-10/2025-26, ದಿನಾಂಕ: 17-07-2025).

10. LBA ಅಂಕಗಳನ್ನು SSLC ಆಂತರಿಕ ಮೌಲ್ಯಾಂಕನಕ್ಕೆ ಪರಿಗಣಿಸಲಾಗುತ್ತದೆಯೇ?

ಇಲ್ಲ. ಉಳಿದಂತೆ ಹಿಂದಿನ ಸಾಲಿನಂತೆಯೇ ಮುಂದುವರೆಯುತ್ತದೆ.

11. LBA ಮಾಡುವಾಗ ಮಕ್ಕಳು ಗೈರುಹಾಜರಿ ಹಾಗೂ ನಿರಂತರ ಗೈರುಹಾಜರಿ ಆದರೆ ಮಕ್ಕಳ ಡೇಟಾ ಎಂಟ್ರಿ ಮಾಡುವುದು ಹೇಗೆ?

ಗೈರು ಹಾಜರಾದ ಮಕ್ಕಳಿಗೆ AB ಎಂದು ನಮೂದಿಸುವುದು.

12. LBA ಖಾಸಗಿ ಶಾಲೆಗೆ ಇದೆಯಾ?

LBA ಕರ್ನಾಟಕ ರಾಜ್ಯ ಪಠ್ಯಕ್ರಮದ ಎಲ್ಲಾ ಶಾಲೆಗಳಿಗೂ ಅನ್ವಯಿಸುತ್ತದೆ.

13. ಎಲ್ಲಾ ತರಗತಿಗಳ ಎಲ್ಲಾ ಹಂತದ ಮೌಲ್ಯಾಂಕನಗಳಿಗೆ LBA ಪ್ರಶ್ನೆಕೋಠಿಯ ಪ್ರಶ್ನೆಗಳನ್ನು ಪರಿಗಣಿಸಬೇಕೆ?

ಹೌದು.

14. LBA ಮತ್ತು Lesson Plan, SATS ತಂತ್ರಾಂಶದಲ್ಲಿ ದಾಖಲಿಸುವುದು ಶಿಕ್ಷಕರಿಗೆ ಹೊರೆಯಲ್ಲವೇ?

ಹೊರೆಯಲ್ಲ. ಈ ಹಿಂದೆಯೂ ಘಟಕ ಪರೀಕ್ಷೆಗಳನ್ನು ನಿರ್ವಹಿಸಿ ಪ್ರತ್ಯೇಕ ಪುಸ್ತಕಗಳಲ್ಲಿ ನಿರ್ವಹಿಸಲಾಗುತ್ತಿತ್ತು. ಈಗ ಅದನ್ನೇ SATS ತಂತ್ರಾಂಶದಲ್ಲಿ ನಮೂದಿಸಿದರೆ ಸಾಕು. ಅದನ್ನೇ ಪ್ರಿಂಟ್ ತೆಗೆದು ಇಟ್ಟುಕೊಳ್ಳಬಹುದು. ಇದು Teacher friendly ಆಗಿದ್ದು, ದಾಖಲಿಸಿದ LBA ಅಂಕಗಳಿಗನುಗುಣವಾಗಿ ಹಲವಾರು ರೀತಿಯ ವಿಶ್ಲೇಷಣಾ ವರದಿಯನ್ನು ಪಡೆದು ಮಕ್ಕಳ ಕಲಿಕೆ ಸಾಧಿಸಲು ಕಾರ್ಯತಂತ್ರಗಳನ್ನು ರೂಪಿಸಬಹುದು ಹಾಗೂ ಬರವಣಿಗೆ ಕೆಲಸ ಕಡಿಮೆಯಾಗಿ, ಕಲಿಕೆಯನ್ನು ಅನುಕೂಲಿಸಲು ಹೆಚ್ಚಿನ ಸಮಯ ಲಭ್ಯವಾಗುತ್ತದೆ.

15. SATS ನಲ್ಲಿ LBA ಅಂಕಗಳನ್ನು ವಿಭಾಗವಾರು ದಾಖಲಿಸಲು ಅವಕಾಶ ಕಲ್ಪಿಸಲಾಗಿದೆಯೇ?

ಹೌದು.

16. LBA ಮಾದರಿ ಪ್ರಶ್ನೆಪತ್ರಿಕೆ ಯಾವಾಗ ನೀಡುತ್ತೀರಿ?

DSERT Website ನಲ್ಲಿ ಲಭ್ಯವಿದೆ.

17. ಪಾಠ ಆಧಾರಿತ ಮೌಲ್ಯಾಂಕವನ್ನು 25 ಅಂಕಗಳಿಗೆ ಬದಲಾಗಿ 10 ಅಂಕಗಳಿಗೆ ಲಿಖಿತ & 10 ಅಂಕಗಳಿಗೆ ಮೌಖಿಕ ಒಟ್ಟು 20 ಅಂಕಗಳಿಗೆ ಮಾಡಲು ಅವಕಾಶವಿದೆಯೇ?

• 1 ರಿಂದ 5ನೇ ತರಗತಿಯವರೆಗೆ: 10 ಲಿಖಿತ ಮತ್ತು 5 ಮೌಖಿಕ.
• 6 ರಿಂದ 10ನೇ ತರಗತಿಯವರೆಗೆ: 20 ಲಿಖಿತ.
• ಮರು ಸಿಂಚನ ಕಾರ್ಯಕ್ರಮ ಅನ್ವಯಿಸುವ ಜಿಲ್ಲೆಗಳು: LBA ಯಿಂದ 15 ಅಂಕಗಳ ಪ್ರಶ್ನೆಗಳು ಮತ್ತು ಮರುಸಿಂಚನದಿಂದ 5 ಅಂಕಗಳ ಪ್ರಶ್ನೆಗಳು, ಒಟ್ಟು 20 ಅಂಕಗಳಿಗೆ ಪ್ರಶ್ನೆಪತ್ರಿಕೆ ಸಿದ್ಧಪಡಿಸುವುದು.
• ಈ ಕಾರ್ಯಕ್ರಮ ಅನ್ವಯಿಸದ ಜಿಲ್ಲೆಗಳು: 20 ಅಂಕಗಳಿಗೆ ಪ್ರಶ್ನೆಗಳನ್ನು LBA ಯಿಂದ ಪರಿಗಣಿಸುವುದು.

18. ಭಾಷೆಯಲ್ಲಿ ಪ್ರತಿ LBA ಗೆ ಒಂದು ಪಾಠ ಮತ್ತು ಒಂದು ಪದ್ಯವನ್ನು ಸೇರಿಸಿ ಪರಿಗಣಿಸಬಹುದೇ?

ಇಲ್ಲ.

19. ಎಲ್ಲಾ ತರಗತಿಗಳ ಸಮಾಜ ವಿಜ್ಞಾನ ವಿಷಯಗಳಲ್ಲಿ ಪಾಠಗಳ ಸಂಖ್ಯೆ ಹೆಚ್ಚಾಗಿದ್ದು, (10th-33, 9th-33, 8th-30, 7th -33, 6th-30) 2 ಅಥವಾ 3 ಪಾಠಗಳನ್ನು ಸೇರಿಸಿ LBA ಮಾಡಬಹುದೇ?

ಇಲ್ಲ.

SATS ಸಮಸ್ಯೆಗಳು:

SATS ತಂತ್ರಾಂಶದಲ್ಲಿ Login ಆಗಲು OTP ENTRY ಮಾಡಲು ಆಗುತ್ತಿಲ್ಲ?

EEDS & SATS ನಲ್ಲಿ ಮಾಹಿತಿ Update ಮಾಡಿದ್ದಲ್ಲಿ ENTRY ಮಾಡಬಹುದು.

LBA ಅಂಕ ದಾಖಲಿಸಲು ಅನುದಾನಿತ ಶಿಕ್ಷಕರಿಗೆ SATS Login ID ಯಾವುದು?

HRMS ಸಂಖ್ಯೆಯು login ID ಆಗಿರುತ್ತದೆ.

Lesson plan & LBA ದಾಖಲಿಸಲು Mobile ನಲ್ಲಿ ಅವಕಾಶವಿದೆಯೇ?

Mobile ನಲ್ಲಿ ಅವಕಾಶವಿದೆ.

ವಿದ್ಯಾರ್ಥಿಗಳ ಪೂರ್ಣ ಹೆಸರು LBA ನಲ್ಲಿ ಬರುತ್ತಿಲ್ಲ.

ಕ್ರಮವಹಿಸಲಾಗಿದೆ.